Gå til innhold/innhald
Til forsiden
Stortingssalen sett ovenfra. Det er møte i salen, og det sitter folk på plassene
Mange parti er representerte i stortingssalen.
Foto: Stortinget

Partiguide for vaksenopplæringa

På denne sida lærer du om dei ulike politiske partia på Stortinget.
  • VO
  • Fordjuping
  • Oppgåver
  • 45 min
  • VO

Lærarrettleiing

For å forstå demokratiet vårt, er det viktig å ha oversikt over partia. Her får du som lærer tips til korleis du kan gjennomføre undervisning om desse.

Om opplegget

Denne guiden består av fleire artiklar:

Éi innleiing om partisystemet
Deretter følgjer éin kort artikkel for kvart parti som er valt inn på Stortinget.

Skildringa av partia i denne guiden er veldig kort og skrive i eit enkelt språk. Elevar som har gode nok språkferdigheiter kan derfor ha nytte av å lese om partia andre stader på Stortinget undervisning. 

Her er nokre tips:

Gjennomføring

Vel om elevane skal lese om alle partia, eller gå saman i små grupper og fordjupe seg i eitt av dei.

Nedst på første fane ligg det refleksjonsoppgåver som klassen kan diskutere i plenum eller i mindre grupper.

Korleis fungerar partia?

I eit demokrati er det viktig at det er fleire parti å stemme på. I Noreg har vi i dag ti parti på Stortinget.

Oversikt over partienes andel av de 169 representantene på Stortinget. Rødt: 8, SV: 13, Arbeiderpartiet: 48, Senterpartiet: 28, MDG: 3, Pasientfokus: 1, KrF: 3, Venstre: 8, Høyre: 36, FrP: 21.
Her ser du korleis fordelinga av representantar på Stortinget vart etter valet i 2021.
Illustrasjon: Stortinget

Alle desse partia er ein viktig del av det norske demokratiet.

Partia kan ha veldig ulike meiningar om korleis problem i samfunnet bør løysast. Når det er val stemmer ein på det partiet ein er mest samd med.

Partia må samarbeide med kvarandre

I Noreg er ingen parti store nok til å bestemme alt heilt sjølv. Etter eit stortingsval, pleier minst to parti å lage regjering saman.

Kva parti som samarbeider kan endre seg frå val til val. Det er vanleg å plassere partia anten på venstresida, i sentrum eller på høgresida:

Grafikk som viser partiblokkene på Stortinget. Rødt, SV og Arbeiderpartiet tilhører venstresiden. Senterpartiet, MDG, KrF og Venstre er plassert i sentrum. Høyre og FrP er plassert i høyresiden.
Partia kan plasserast på venstresida, sentrum eller høgresida.
Illustrasjon: Stortinget

Ofte kan partia i sentrum samarbeide med parti anten på venstresida eller høgresida.

Partia jobbar også lokalt

Partia har ofte lokale lag for ulike stader i Noreg. På denne måten kan partia både meine noko om til dømes busstilbodet i Stavanger, og norsk forsvarspolitikk.

Alle som bur i Noreg kan melde seg inn i eit politisk parti. Også dei som ikkje har stemmerett.

Refleksjonsoppgåve politiske parti

Diskuter i par

  • I mange andre land er det færre parti i parlamentet. Kvifor har vi så mange i Noreg, trur du?
  • Kva er fordelar og ulemper med å ha mange politiske parti?
  • Kva parti er størst i kommunen din? Er dette det same som på Stortinget? Bruk din kommunes nettsider til hjelp.
  • Kva for nokre politiske saker knyter de til dei ulike partia?
Partilogoer rundt et spørsmålstegn.
Oppdatert 12. des. 2024

Relatert innhald