Kva gjer regjeringa?

Regjeringa styrer landet

Jobben til regjeringa er å styre landet. Vi kallar derfor regjeringa for den utøvande makta. Å utøve er det same som å gjere eller gjennomføre noko.

Regjeringa kjem mellom anna med forslag til Stortinget om nye lover. Så er det Stortinget som avgjer om det skal bli noko av lova eller ikkje.

Korleis styre regjeringa landa?

Når regjeringa styrer landet bruker dei lovene som Stortinget har bestemt.

Viss Stortinget bestemmer at alle barn skal ha meir gym på skulen, må regjeringa sørgje for at det er nok gymlærere og gymsalar. 

Regjeringa skal sørgje for at det blir sett opp skilt med fartsgrenser på vegane og at politiet stoppar folk som køyrer for fort.

Korleis får vi ei regjering?

Når det er stortingsval, er mange spente på kor mange stemmer partia får. Partia som får flest stemmer, får nemleg flest folk inn på Stortinget. Så er det Stortinget som bestemmer kva parti som skal sitje i regjering.

Regjeringa i dag

Fleire parti kan samarbeide og lage ei regjering saman. I dag er det berre Arbeidarpartiet som sit i regjering. Du veit kanskje at Jonas Gahr Støre frå Arbeidarpartiet er statsminister i Noreg?

I regjeringa sit statsministeren og 18 andre, som blir kalla statsrådar eller ministrar. Desse har kvar sine ansvarsområder.

Til dømes har kunnskapsministeren ansvar for skulane og arbeidsministeren ansvar for arbeidsmiljøet.

Regjeringa har ikkje kontor på Stortinget

Stortinget og regjeringa er altså to ulike ting. Regjeringa har kontor i departementa, og ikkje på Stortinget. Men dei er ofte på besøk. Då deltek dei i stortingsmøta for å fortelje kva dei arbeider med og svare på spørsmål frå stortingsrepresentantane.