Stortinget fordeler pengane
Kva er eit budsjett?
Eit budsjett er ei oversikt over pengane du har, og kva du vil eller må bruke pengane på. Vi kallar dette for inntekter og utgifter.
Kva er inntekter?
Inntekter er pengar du tener eller får. Til dømes vekelønn.
Kva er utgifter?
Utgifter er pengar du bruker. Til dømes på ein brus eller ein ny genser.
Kva er statsbudsjettet?
Statsbudsjettet er Noregs budsjett. Der står det kva staten Noreg skal bruke pengar på, og kvar pengane skal komme frå.
Kor mykje pengar bruker Noreg?
I 2026 skal staten bruke 2154 milliardar kroner.
Kva inntekter har Noreg?
Den største delen av Noregs inntekter er skattar og avgifter.
Alle som jobbar, betaler litt av lønna si til staten. Dette blir kalla skatt.
Foto: iStock
Kvar gong du kjøper noko i butikken, går litt av summen til staten. Dette er ei avgift.
Foto: iStock
Du må også betale avgift når du kjøper deg ein bil og når du fyller bensin på bilen din.
Foto: iStock
Noreg tener også pengar på å selje olje til andre land. Her ser du ei oljeplattform.
Foto: Equinor
Foto: iStock
Kva utgifter har Noreg?
I Noreg bruker vi mange pengar på ting vi treng i samfunnet. Til dømes på sjukehus, forsvar og hjelp til andre land. Vi må også hjelpe dei som ikkje har jobb.
Noreg bruker mange milliardar kroner på pensjon til eldre som ikkje jobbar lenger.
Foto: iStock
Andre er sjuke og nokon er arbeidsledige. Desse får utbetalt pengar som blir kalla trygd.
Foto: iStock
Noreg bruker også pengar på skular. Mellom anna til skulebygg og lønn til lærarar.
Foto: Skynesher / iStock
Noreg betaler også for politistasjonar, lønn til politibetjentar og stallplass til politihestane.
Foto: iStock
Vi bruker også pengar på vegar og togskjener, så folk kjem seg rundt i Noreg.
Foto: Stortinget
Foto: iStock
Kven bestemmer over statsbudsjettet?
Partia på Stortinget har sterke meiningar om korleis pengane skal brukast. Men alle treng ikkje å bli samde, det held med over halvparten.
Først kjem regjeringa med eit forslag til statsbudsjett. Så er det Stortinget som bestemmer korleis pengane skal fordelast.
Å vedta statsbudsjettet er ein av Stortingets aller viktigaste oppgåver
Slik ser det ut når statsbudsjettet kjem til Stortinget. Sjå video frå årets travlaste dag!
Oppgåve 1: Lag ditt eige budsjett
Førestill deg at du har 500 kroner. Du skal nå lage eit eige budsjett.
Inntekter:
- Her skriv du opp kor mykje pengar du har.
- Skriv opp minst to stader du har fått inntekter frå, til dømes vekelønn.
Utgiftene:
- Her skriv du det du ønskjer å bruke pengar på.
- Så skriv du kor mykje kvar ting kostar.
No skal du prøve å få balanse i budsjettet ditt:
- Inntektene og utgiftene må vere omtrent like.
- Må du velje bort noko av det du har lyst på?
- Kva skjer om du bruker mindre pengar enn du har?
- Kva skjer om du bruker meir pengar enn du har?
