Naturressursar i reindriftsområde
Les utdraget frå Sannings- og forsoningskommisjonens rapport til Stortinget, omsett til nynorsk:
"Utbygginga av vindkraftanlegg er i dag kanskje den forma for inngrep som får mest merksemd. Vindkraftindustrien utgjer ofte eit drastisk inngrep i samiske bruksområde.
Slike anlegg legg gjerne beslag på dei same høgtliggjande områda som er nødvendige for reinen, og inneber i tillegg bygging av ei rekke anleggsvegar som øydelegg beite.
Det ligg i dag føre omfattande planar for vidare vindkraftutbygging i reindriftsområde, og det eksisterer ingen nasjonal plan for slike prosjekt som varetek interessene til reindrifta.
Årsaka til den sterke auken i talet på vindkraftprosjekt var ønsket om eit grønt skifte og det aukande energibehovet.
Dette er med på å skape press på reinbeiteområda og dermed på livsgrunnlaget for mange reindriftssamar." S. 543-544.
Utdraget er korta ned og omformulert til eit enklare språk. Klikk her for å lese heile rapporten (PDF blir opna i ny fane).
Refleksjonsspørsmål
Gå saman i par og svar på spørsmåla. Reflekter saman og skriv ned svara.
- Meiner de at utbygging av vind- og vasskraftverk er døme på fornorsking? Kvifor/ikkje?
- Fosen-saka er for mange den mest kjende saka der staten har bygd anlegg på samars reindriftsområde for å utnytta naturressursar. Kva meiner de regjeringa burde gjera med desse vindturbinane?
- Forklar kva som siktar ein til med påstanden: «Utbygging av vind- og vasskraftverk gjer tydeleg ei spenning mellom omsyn til klima, miljø og samar.»
- Finnes det andre døme enn Fosen-saka? Bruk internett eller andre kjelder og undersøk. Noter undervegs, og samanlikn dei to sakene. Hugs å oppgi kjelder!