Ta ordet sjølv

Du kan ta kontakt med dei som bestemmer

Er du usamd i korleis noko blir gjort på skulen din? Då kan du først prøve å snakke med læraren din eller elevrådet. Kanskje er det mogleg å få gjort noko med det?

I kommunen din og i Noreg er det politikarane som bestemmer. Kva med å sende dei ein e-post, eit brev eller ringe og forklare saka din?

Tips!

Prøv å fange merksam deira! Politikarar er nemleg travle folk, som får mange spørsmål.
Ver tydeleg og kom gjerne med forslag til løysingar.
Viss saka di er viktig for mange, er det lurt å fortelje det.

En person blir filmet og intervjuet. — Foto: Pexels/Cowomen

Du kan ta ordet sjølv

Kva med å skrive eit lesarinnlegg i avisa? Mange aviser og andre medium trykkjer tekstar dei får tilsendt.

Sannsynlegvis har du ei lokalavis der du bur. Du kan også ringe dei og forklare saka. Kanskje avisa har lyst til å lage ein reportasje om det?

Når du er over 13 år, kan du også bruke sosiale medium.

Hender som skriver på en laptop. — Foto: pexels/cottonbro

Du kan organisere deg

Er det noko du er spesielt oppteken av eller du synest er spennande?

Då kan det vere lurt å undersøkje om det finst ein organisasjon for nettopp dette. Ein organisasjon er ei gruppe menneske som har noko til felles.

Eksempel på organisasjonar er Miljøagentane, Raude Kross eller Dyrevernalliansen. Fleire organisasjonar har eigne klubbar eller lag for barn og unge.

Blir du medlem i ein organisasjon, støttar du saka dei jobbar for. Dei som styrer organisasjonen, jobbar for å påverke politikarane. Då har dei alle medlemmene med seg, og det gjer dei sterke.

Hender i papir som strekker seg mot en jordklode — Foto: iStock

Du kan aksjonere

Å aksjonere betyr å gripe inn i noko. Dersom det er noko du vil forandre, kan du prøve å gjere noko med det.

Det er fleire måtar du kan aksjonere på. Blant dei mest kjende er underskriftskampanjar og demonstrasjonar. Dei kan føregå på ein stad eller vere digitale.

Jo fleire som deltek i aksjonen, jo større er sjansane for at andre legg merke til han. Då blir det synleg for politikarane at dette er noko som mange er opptekne av.