Demokratisk deltaking i praksis

Om opplegget

Demokratisk deltaking i praksis er eit gruppearbeid som styrkjer dei demokratiske ferdigheitene til elevane. Det kan tilpassast behovet til klassen i både tid og innhald. Punktlista nedanfor er meint som eit forslag til korleis arbeidet i klasserommet kan leggjast opp.

• Tidsbruk avheng av kor lang tid gruppa treng og har til rådvelde, men dersom ein berre skal jobbe med dette på skulen kan ca. 6 skuletimar vere ein peikepinn.
• Prosjektet kan gjennomførast på skulen, men også blir tilpassa digitalt.
• Oppgåva dekkjer kompetansemål i samfunnsfag og norsk.
• Lærar utarbeider sjølv vurderingskriterium for dei ulike oppgåvene, dersom elevane skal vurderast i oppgåva.
• I del to av prosjektet skal elevane delta sjølv, og velje éin av fire påverknadskanalar. Alle desse kan gjennomførast på ordentleg, dersom elevane ønskjer det og tida strekk til. 
• Oppgåva "Overbevis ein politikar" kan krevje litt ekstra planlegging og lærar må kanskje hjelpe litt ekstra undervegs.

Førebuingar

Lærer bør ha litt innsikt i kva som skjer i lokalsamfunnet. Snakk gjerne med elevane om saksgangen i eit politisk vedtak. Dei bør t.d. vite forskjell på kommunestyre og formannskap, og noko om vegen frå forslag til vedtak. Nokre relevante spørsmål til ein klasseromsdiskusjon er:

• Kven er ordførar og kva parti sit i kommunestyret?
• Er det nokon saker i lokalsamfunnet dei har plukka opp og er engasjerte i
• Kva pleier elevane å gjere for å få viljen sin? Har dei nokon måtar å formulere seg på som pleier å fungere?
• Kva kjenneteiknar eit godt argument? Når får dei tillit til andre?

Elevane vel sjølv om dei vil gjennomføre ei munnleg eller skriftleg oppgåve. Det kan vere nyttig at lærar går gjennom dei ulike deltakingsformene i del to på førehand.

Gjennomføring

Prosjektarbeidet er delt i to delar: Ein førebuingsdel og ein gjennomføringsdel.

• Del elevane inn i grupper.
• I første del av prosjektet finn elevane ei sak de vil jobbe med og set seg godt inn i denne. Det følgjer med eit skjema elevane kan fylle ut for å gjere seg kjend med relevante aktørar og kva konsekvensar saka kan få.
• I del to av prosjektet skal elevane delta sjølv. Dei skal velje éin av fire påverknadskanalar og prøve å påverke saka. Oppgåva kan gjennomførast på ordentleg dersom elevane ønskjer det og tida strekk til. Elles kan dei sendast til lærer. Oppgåva "Overbevis ein politikar" kan krevje litt ekstra planlegging og lærar må kanskje hjelpe litt ekstra undervegs.