Raudt kom for første gong over sperregrensa i eit stortingsval, og fekk dermed ei mykje større stortingsgruppe enn dei har hatt tidlegare.

Til saman fekk dei 4,7 % av stemmene ved valet i 2021. Dei beste valdistrikta deira var Oslo, deira dårlegaste var Møre og Romsdal.

SV gjekk litt fram samanlikna med førre val, og sikra seg med dei 13 representantane sine ein god strategisk posisjon på Stortinget.

Til saman fekk dei 7,6 % av stemmene ved valet i 2021. Dei beste valdistrikta deira var Oslo, deira dårlegaste var Rogaland.

Sjølv om Arbeidarpartiet gjekk litt tilbake samanlikna med førre val, vart dei det største partiet i landet. Ettersom dei andre raudgrøne partia gjorde det godt, vart det eit klart fleirtal til raudgrøn side på Stortinget.

Arbeidarpartiet fekk til saman 26,3 % av stemmene. Dei beste valdistrikta deira var Oppland, og det dårlegaste Møre og Romsdal.

Senterpartiets store framgang ved valet 2021 bidrog sterkt til å sikra raudgrønt fleirtal på Stortinget. Dermed var dei i ein god posisjon då regjeringsforhandlingane starta kort tid etter valet.

Til saman stemde 13,5 % på Senterpartiet. Dei beste valdistrikta deira var Sogn og Fjordane, medan det dårlegaste var Oslo.

Sjølv om MDG gjekk fram, og gjorde sitt beste stortingsval nokosinne, var mange i partiet skuffa over at det ikkje gjekk endå betre. Partiet hadde gjort det godt på meiningsmålingar før valet, og låg an til å komma godt over sperregrensa på 4 %, men det heldt ikkje heilt inn på valdagen.

MDG fekk 3,9 % av stemmene ved valet. Dei gjorde det best i Oslo, og dårlegast i Nord-Trøndelag.

Pasientfokus er eit litt annleis parti enn dei andre på Stortinget. Ved valet i 2021 stilte dei berre til val i Finnmark. Der fekk dei til gjengjeld fleire stemmer enn både Høgre og Frp, og vart dermed valt inn på Stortinget.

Til saman fekk Pasientfokus 0,2 % av stemmene i heile Noreg. I Finnmark fekk dei 12,7 %, noko som heldt til å vinna eit av Finnmarks mandat.

KrF fekk mindre enn 4 % oppslutning, og hamna dermed under sperregrense. Derfor fekk dei ei mykje mindre stortingsgruppe enn det dei hadde hatt før valet 2021.

Før valet sat KrF i regjering, men ettersom dei borgarlege partia mista fleirtalet, mista også KrF denne makta.

3,8 % stemde på KrF ved valet 2021. Dei beste valdistrikta deira Vest-Agder, medan dei dårlegaste var Hedmark og Oppland.

Før valet 2021, sat Venstre i regjering saman med Høgre og KrF. Sjølv om Venstre beheldt dei 8 representantane sine etter valet, gjekk dei andre borgarlege partia tilbake. Dermed mista Venstre regjeringsmakta dei hadde hatt.

Til saman fekk Venstre 4,6 % oppslutning. Deira beste resultat kom i Oslo, medan dei dårlegaste valdistrikta deira var Finnmark.

Høgres tilbakegang ved valet 2021 førte til at dei borgarlege partia mista fleirtalet på Stortinget. Erna Solberg måtte dermed trekkja seg som statsminister.

20,4 % stemde på Høgre ved valet 2021. Dei beste valdistrikta deira var Akershus, det dårlegaste var Finnmark.

Før valet i 2021 var Frp med på å sikra borgarleg fleirtal på Stortinget. Det siste året før valet sat dei ikkje sjølv i regjering, men med støtte frå Frp kunne Erna Solberg vera statsminister.

Ettersom dei borgarlege partia mista makta etter valet, mista også Frp den strategiske rolla si som støtteparti for regjeringa.

Til saman stemde 11,6 % på Frp ved valet i 2021. Dei beste valdistrikta deira var Møre og Romsdal, deira dårlegaste var Oslo.