Foto: Stortinget
Valet er ditt – læringsspel på Stortinget
«Valet er ditt» er Stortingets læringsspel for ungdomsskulen. Spelet finst både på Stortinget og som klasseromsversjon. Dei to versjonane av spelet er like.
Alle bestillingar må gjerast på www.stortinget.no.
Kva lærer elevane gjennom «Valet er ditt»?
Korleis ville Noreg set ut dersom elevane dine fekk bestemme? Ville dei prioritert fleire lærarar i skulen, eller meir synleg politi i gatene? Teken vare på naturen, senka bensinprisane?
I «Valet er ditt» skal elevane sjølv vere politikarar. Elevane gjer val og prioriteringar for framtidas Noreg, og får øvd seg på argumentasjon og debatteknikk.
Elevane blir delte inn i grupper som lagar kvar partiprogramma sine. Partia presenterer politikken sin for resten av klassen, og elevane utfordrar kvarandre på kvifor dei har prioritert som dei har gjort. Til slutt blir halde eit val og ein vinnar blir kåra.
«Valet er ditt» bidreg til å nå kompetansemål i samfunnsfag og norsk, og byggjer opp under det tverrfaglege temaet demokrati og medborgarskap.
Besøket består av ei omvisning i stortingsbygningen, i tillegg til læringsspelet «Valet er ditt».
