Foto: Stortinget
Omvisning for vaksenopplæringa
Eit besøk på Stortinget skal vere ei spennande og lærerik oppleving, som er med på å leggje til rette for aktiv deltaking i demokratiet.
Alle bestillingar må gjerast på www.stortinget.no.
Kva lærer elevane gjennom ei omvisning?
Elevane lærer om Stortingets rolle i det norske demokratiet og korleis ein sjølv kan delta i demokratiet. Omvisinga blir tilpassa etter nivået som blir oppgitt i bestillingsskjemaet (A1, A2, B1, B2). Dei skal få ei oppleving av eigarskap til Stortinget, tilhøyrsel og tillit til det norske demokratiet. Vi snakkar gjerne om:
- viktige aktørar i det norske demokratiske systemet
- Stortingets viktigaste oppgåver og arbeidsform (lovar, statsbudsjettet, kontrollverksemda)
- sentrale milepælar i utviklinga av dagens demokratiske system
- korleis delta i demokratiet
Viss det er møte i stortingssalen får gruppa sitje på publikumsgalleriet og observere møtet. Viss det ikkje er stortingsmøte, får dei gå inn i sjølve salen. Ettersom Stortinget er eit levande hus, kan det variere kva for nokre andre rom gruppa får besøkje.
