Læringsspelet Demo
Får statsbudsjettet fleirtal? Kva lover blir vedtekne? Og blir regjeringa sitjande? Dette er opp til elevane, når dei speler Demo.
I Demo trer elevane inn i rolla som stortingsrepresentantar. Dei blir delte i parti, basert på eigne meiningar, vel hjartesakene sine, stiller til val, og prøver å få gjennomslag for politikken sin.
Demo gir elevar i vidaregåande skule større forståing for forholdet mellom Stortinget og regjeringa, og korleis dei sjølv kan delta i demokratiet.
Læringsspelet svarer til kompetansemål i samfunnskunnskap og det tverrfaglege temaet demokrati og medborgarskap, og elevane får trening i munnlege ferdigheiter.
I Demo blir elevane delte inn i parti. Dei bestemmer kva partia skal stå for, og stiller til val. Nokon får rolla som regjeringsparti, medan resten blir opposisjon.
Foto: Stortinget
Foto: Stortinget
Korleis søkje om plass?
Søknad om plass må gjerast på nett, innanfor i ein avgrensa periode. Vi behandlar éin søknad per klasse. Du får svar på søknaden din 7-10 dagar etter utløpet av fristen.
Etterspurnaden er større enn tilbodet vi har tilgjengeleg. Vi kan derfor ikkje garantere at alle som søkjer får plass.
Reisetilskot
Klasser med lang reiseveg kan søkje om reisetilskot. Søknad om reisetilskot blir gjord i same skjema som søknad om plass. Lærar har sjølv ansvar for å setje seg inn i regelverket.
Geografisk spreiing av plassar
For at tilbodet vårt skal vere tilgjengeleg for elevar over heile landet, blir plassane fordelte per fylke ut i frå elevtal.
Når fristen for å søkje om plass i læringsspel og reisetilskot har gått ut, blir plassane fordelte og reisetilskotet. Skulane får beskjed om søknaden er innvilga eller avslått.
Tildeling av dato/tid
Når fleire søkjar om same dato/tid, gjer vi loddtrekking. De kan derfor bli tildelte ein annan dato/tid enn de har søkt om.
Datoen de blir tildelte er endelege. Ønskjer de ein annan dato, må de kansellere besøket og bestille ny tid på nettsida.
Kven kan delta?
- Demo er for ungdom som er elevar i vidaregåande skule.
- Deltaking krev gode norskkunnskapar.
- Spelet passar både for elevar på studiespesialisering og yrkesfag.
- Talet på elevar må vere minst 10 og maks 32 for å kunne spele. For best speldynamikk tilrår vi minst 18 elevar.
- Det samla talet på personar, inkludert lærarar/følgjespersonar, kan ikkje overstige 34.
Kor lang tid tek det?
- Besøket varer i omtrent 3 timar og 15 minutt, inkludert tryggleikskontroll, omvising og læringsspel.
- Eit besøk i Demo inkluderer ei omvising i stortingsbygningen og stortingssalen.
Førebuingar
Det er ein fordel om elevane har noko kunnskap om Stortingets oppgåver og forholdet mellom Stortinget og regjeringa.
Du må setje deg inn i praktisk informasjon
Du må setje deg inn i ein del praktisk informasjon knytt til mellom anna tryggleikskontroll, og andre reglar som gjeld ved besøk.
Demo utanom søknadsrunde
Plasser som blir avbestilt kan bestillast etter førstemann til mølla-prinsippet. Det er ikkje mogleg å søkje om reisetilskot, då fristen har gått ut. Trykk på eit ledig tidspunkt og du kjem til eit skjema.
Når du har sendt inn skjemaet, skal du få ei stadfesting på at skjemaet er motteke. Dersom så ikkje skjer, må du ta kontakt med oss.
