Foto: Stortinget
Læringsspelet Demo
I Demo går elevane inn i rolla som stortingsrepresentantar. Slik lærer dei om Stortingets oppgåver og får fornya forståing for det demokratiske systemet vårt.
Alle bestillingar må gjerast på www.stortinget.no.
Kva lærer elevane gjennom «Demo»?
I «Demo» skal elevane sjølv vere politikarar. I løpet av spelet skal elevane delast i parti, velje hjartesakene sine, stille til val, og prøve å få gjennomslag for politikken sin.
Spelet er engasjerande og byggjer kunnskap, ferdigheiter og haldningar om Stortinget. «Demo» gir elevar i vidaregåande skule større forståing for korleis Stortinget jobbar og korleis dei sjølv kan delta i demokratiet.
Læringsspelet er utvikla i tett samarbeid med referanselærarar og -elevar, og svarer både til nye kunnskapsmål i det tverrfaglege emna demokrati og medborgarskap og i samfunnskunnskap.
