Kva gjer pressa?

Kva er pressa? 

Med pressa meiner vi journalistar og fotografar som lagar saker for tv, radio og aviser. Media og pressa er det same. 

Pressa fortel om kva som skjer 

Pressa har i hovudoppgåve å finne informasjon om ting som føregår i samfunnet, for eksempel politikk, og fortelje dette til folket. 

Dersom Stortinget vedtek ei ny lov, vil pressa vere til stades for å ha intervju med politikarar og skrive om den nye lova. På denne måten bidrar pressa til at vi som bur i landet, er informerte om kva som føregår. 

Pressa følgjer nøye med 

Pressa jobbar tett på politikarane. Dei følgjer nøye med på kva politikarane seier og gjer, og stiller kritiske og vanskelege spørsmål i tv-sende intervju. Dette kan bidra til at politikarar er ekstra forsiktige med korleis dei snakkar og oppfører seg. 

Pressa er ein kanal for ytringsfridom 

I Noreg har vi stemmerett frå vi er 18 år. Men du kan engasjere deg i politikk lenge før det. Alle i Noreg har ytringsfridom. Det betyr at du har rett til å seie og meine det du vil. 

Du kan skrive eit lesarinnlegg og sende det til ein avis eller annan nyheitskanal som kanskje vil publisere det.  

Korleis jobbar pressa? 

Når pressa lagar ei nyheitssak, tek dei ofte kontakt med ein politikar for å få eit intervju. Ofte har også politikarane noko dei ønskjer å fortelje til folket, og tek kanskje sjølve kontakt med pressa. 

Dei kan ønskje å seie noko om kva partiet deira meiner om ei konkret sak, for eksempel leksefri skule eller straumprisar. På den måten er det viktig for både politikarane og journalistane å ha eit godt forhold til kvarandre.