Foto: Pexels/Max Fischer
Del 3: Gå saman med andre!
«Saman er vi sterke!» Det har du sikkert høyrt mange gonger før? I Noreg finst det mange organisasjonar. Dei samlar medlemmer som er opptekne av den same saka.
Finn organisasjonar
Finn ut om det er nokre organisasjonar som jobbar for saka dykkar eller kanskje kan støtte ho. Vel ein organisasjon de skal lage ein presentasjon om. Presentasjonen skal innehalde fleire av desse punkta.
Om organisasjonen
Kva heiter organisasjonen, og kven er leiaren? Kva jobbar organisasjonen for? Kva gjer organisasjonen for å skape endring? Har organisasjonen ein logo?
Medlemmer
Kven kan bli medlem? Kva kan medlemmene gjere? Har dei ei medlemsavis eller liknande? Kostar det noko å vere medlem, og kva går pengane til?