Kva er viktig i eit demokrati?

Vi bestemmer saman

I eit demokrati er det mange som samarbeider om å bestemme. Det betyr at ein person eller nokre få ikkje kan bestemme alt.

Vi kan velje fritt

I eit demokrati kan vi velje fritt og som vi sjølv vil. Om de har ei avstemming i klassen, så kan du stemme på det du meiner er rett.

Likevel kan vi ikkje gjere alt vi vil. I Noreg har vi mange reglar og lovar, som alle må følgje.

Vi kan seie det vi meiner

I eit demokrati er det lov å ha ei eiga meining og fortelje denne høgt. Om du er usamd med læraren din, dei vaksne heime eller kanskje med statsministeren, så har du rett til å seie frå. Då er det viktig at du behandlar andre med respekt. 

Vi har rettar

I eit demokrati har alle rettar. Alle har rett til å gå på skule. Vi har rett til å vere den vi er. Og å tru på det vi sjølv vil.