Demos, kratos, demokrati!
Kva betyr demokrati?
Demos betyr folk og kratos betyr styre. Demokrati betyr altså folkestyre.
Kven skal bestemme?
Ordet demokrati fortel om kven som skal bestemme i eit land. I eit demokrati er det folket som bestemmer. Det betyr at det er mange som bestemmer saman.
Det første demokratiet i verda
Det første demokratiet i verda var i Athen. Det oppstod for omtrent 2500 år sidan. Athen er i dag hovudstaden i Hellas.
Alle måtte møte opp for å stemme
Når folket skulle bestemme ting i Athen, møttest dei på eit lite berg i byen. Der stemde dei over ulike ting. Til dømes kva lover dei skulle ha i byen. Fleirtalet bestemde.
Kunne alle stemme?
Nei, ikkje alle fekk stemme i Athen. Kvinner hadde ikkje stemmerett. Dei som hadde flytta til Athen frå andre byar, fekk heller ikkje stemme. På denne tida var det fleire som var slavar, og slavane fekk ikkje stemme.
Oppgåver
Jobb saman i små grupper.
- Kva betyr orda demos og kratos?
- Kva språk trur dykk dei to orda kjem frå?
- Kan vi møte opp ein stad for å stemme over lover i Noreg?
- Kva synest du om at kvinner ikkje fekk lov til å stemme i Athen?
- Fortel om ein gong du var med i ei avstemming!
